《東方》《太陽》銷量齊升
【本報訊】《爽報》自己打自己，《蘋果日報》銷量已大跌三成，有報販表示，於昨午五時，仍有過百份《蘋果》賣不出；此消彼長，《東方日報》及《太陽報》因內容豐富，分別升紙一成半及三成，報檔紛紛加紙應市。另外《爽報》昨日送灌湯餃谷宣傳，卻乏人問津，有讀者直指優惠規定要消費才可享用，有搵笨之嫌，致剩下一枱灌湯餃。
《東方》《太陽》要加紙應市
《爽報》推出第三日，《蘋果》銷量愈跌愈低，昨午五時，觀塘一間報檔仍賣剩逾百份《蘋果》。報販陳太說：「近期《蘋果》銷量好差，有三成《蘋果》賣唔出。有客同我講《蘋果》咁貴，已改買《東方》同《太陽》，所以《東方》同《太陽》要加紙應市，《太陽》今日更一早賣晒，要問隔籬報檔借廿份頂住先。」
「減價後《東方》同《太陽》好好賣！」同區的報販黃伯表示，《東方》銷量比平日多一成半，《太陽》增加達三成，反之《蘋果》明顯滯銷無人買。他說：「《蘋果》自己打自己，啲人攞咗《爽報》，發覺內容同《蘋果》差唔多，就唔會買《蘋果》啦！」
「啲人成日問我《蘋果》有無減價，無就轉睇其他（報紙）。」粉嶺報販劉小姐說：「攞咗百幾份《蘋果》，已經六點幾，仲賣剩四十幾份，跌咗三四成，我估《蘋果》要減價，先會好賣啲！」
《爽報》未經翻閱已淪廢紙
至於《爽報》，昨日推出請吃灌湯餃谷紙，但反應欠佳，有市民直斥搵笨，因為須於酒家消費才可享用優惠，兼且限制多多，近十時有參與推廣的酒樓剩下滿枱灌湯餃「送」不出去。而不少未經翻閱的《爽報》便已淪為回收廢紙，有回收商表示，近日於上午便有阿公阿婆手持數十份當日的《爽報》到其公司秤售。