朱振國妻：冇辦法原諒佢
朱振國家人明言，無論廖智勇做了甚麼，都無法彌補對朱家所造成的傷害，一生一世都不可能原諒他。
儘管廖的人生有新開始，並得到老闆力撐，但對朱振國一家來說，時間並無沖淡痛苦。朱振國太太得悉廖重投社會後，淡然說：「都係好事，起碼對社會有貢獻。」被問及會否原諒廖時，朱太即悲痛道：「佢可以重新做人，但我老公又點呢？真係冇辦法原諒佢！佢令我哋一家受傷害，振國出事前，個女得八歲，而家已經十四歲啦，佢咁多年冇咗父愛，對我個女好唔公平！」
而朱振國母親亦謂，不可能原諒兇手：「佢一時衝動，令我哋全家痛苦，振國一直冇辦法好番，唔通佢可以畀我插一刀，試吓一世瞓喺床嘅滋味咩！」
