政府用嚟補鑊嘅「$6,000計劃」啟動超過一星期，點知原來流弊處處，令第一批領錢嘅長者隨時拎唔到六千蚊。政府規定，行動不便兼且冇本地銀行戶口嘅合資格人士，如果唔方便去郵局拎錢，可以委託其他人幫手，但就要搵本地認可醫生簽發證明，不過長居境外嘅人又點搵本地認可醫生證明呢？政府思慮不周，折騰一眾長者。唔通政府唔想咁多人拎到錢，所以乜都交代得唔清唔楚？
