香港地產商經常被指以誇張及失實手法賣樓，將樓盤廣告同售樓書設計到美輪美奐、幢幢都係豪宅，但買咗先知道層樓嚴重「發水」，附近仲可能隱藏厭惡性設施。市區重建局主席張震遠尋日上電台推銷市區重建新策略時，就學晒啲地產商，大讚市建局賠償不但可令業主買番同區新樓，而且仲有錢剩畀啲長者業主養老添。如果真係咁，過去就唔會有咁多老業主反對重建喇！
