警務處處長曾偉雄前日出席立法會保安事務委員會時，畀人民力量議員黃毓民怒掟「六四T恤」羞辱。委員會主席涂謹申尋日就事件致歉，話當日因為畀一名立法會保安阻擋咗視線，先至冇即時發現事件趕毓民離場。
其實阿涂大可效法曾偉雄嘅講法，話當時有個「黑影」衝出嚟，佢嘅視線畀人「卡住了」，所以咪睇唔到囉。曾偉雄至今都毫無歉意，阿涂又使乜對佢咁客氣喎！
