中環出更：容永祺赴英見證囝囝畢業
專業及資深行政人員協會創會會長容永祺（Samuel）大仔終於大學畢業，Samuel早前就同太太飛去英國出席畢業禮，睇住囝囝戴四方帽，兩公婆都感動到眼濕濕。
參觀千年古羅馬浴池
Samuel大仔喺英國修畢法律學士課程，前途一片光明。呢一刻，爸媽已等咗廿幾年，當然要第一時間飛去打氣啦！Samuel兒子留學當地多年，堪稱英國通，趁機帶爸爸捐窿捐罅吃喝玩樂。一家四口提議盡情食，大歎英國菜不在話下，更試勻意大利菜、日本菜、法國菜同中菜，總知餐餐新款，絕不重複。期間佢哋仲暢遊巴斯，參觀千年古羅馬浴池，漫步古代達官貴人、文人雅士嘅悠閒地帶，真有詩意。
Samuel笑言，以前每次去旅行，都由佢話事，今次阿仔主動揸Fit，而且安排得有板有眼，證明阿仔已經大個仔，感到好欣慰。佢兒子近日仲返咗香港，跟隨著名大狀學習。咁叻仔，Samuel大可印印腳歎世界嘞。
卓妮