【本報訊】港府派錢六千元應令市民高高興興，但登記程序甩漏多多，包括表格簽名欄設計不顯眼令不少長者漏掉簽署，亦有長者到銀行交表時始知須擁有銀行戶口，要即時匆忙開戶，亦有長者不知道六千元不能過戶到聯名戶口，須臨時更改表格，批評手續麻煩，令他們易於出錯，批評派錢過程甩漏眾多，怒斥「畀咗咁多錢銀行做手續費，都唔知為咩」！
六十五歲的方伯昨午到旺角滙豐銀行遞交申請表格領取六千元，惟遞表後始知在表格上填寫手提電話，才可獲銀行以短訊確認收妥該表格，「我填咗住宅電話，銀行話唔會主動通知我收唔收到表，我要自己打查詢電話確認，好唔方便，點解銀行職員唔喺收表時同我講，等我填番個手提電話！」他批評銀行職員為長者檢查表格時十分「求其、睇下就算」，「專登由天水圍出旺角諗住總行收表會認真啲，點知甩漏咁多！」不少長者亦批評申請表格上資料填寫處與簽名欄相距太遠，令簽名欄不顯眼，以致交表前才臨時在銀行門口補簽。
另外，旺角居民協會昨早派員於旺角區廿多間銀行及郵政局門外，訪問遞交六千元計劃登記表格的八百三十人，發現四成人不滿意是次派錢安排，包括派錢方式、登記程序等，另外有六成人認為交表後要等至少十星期才可獲得六千元款項，實屬時間過長。