懶理潛在危機 議員搞簽名施壓
【本報訊】「醫院係救治病人嘅地方，無理由有潛在危機都唔理。而廣華醫院嘅硬件，一直停留喺七十年代，非常落後，應該盡快重建！」油尖旺區議會副主席梁偉權批評政府「拖得就得」，故此，他在八月初發起簽名運動，收集了數百名市民的簽名，要求政府盡快審批。
醫管局：已呈交港府
梁偉權說：「政府好似無乜實際支持，到大半年前，地區人士先知個計劃只係列入乙類工程。其實代表政府嘅醫管局都支持計劃，真係唔明點解要拖！」他會在本月底的油尖旺區議會會議上，要求食物及衞生局、醫管局及東華三院清楚交代事件及提交確實重建時間表。若得不到明確答覆，擬發起遊行，迫使食物及衞生局局長周一嶽正視問題。
醫管局發言人表示，早前已把重建廣華醫院的建議呈交港府，並獲得支持。食物及衞生局發言人也指出，原則上已接納廣華醫院的重建計劃，待醫管局完成重建工程的前期策劃工作後，便會按既定程序申請撥款。