交通黑點運署拒裝相機

「呢條路只可以開五十（公里），但好多車都開七十以上，叫運輸署裝快相機又唔肯，係咪要再有意外先補鑊？」元朗黃泥潡村村民何先生指出，僑興路一帶常有車輛違例停泊，超速問題亦嚴重，近木橋頭村入口更為意外黑點，月前便有途人於該處遇上交通意外而喪命。何指上址屬元朗鄉郊範圍，平日鮮見警方到場執法，不滿運輸署無視市民安全。

記者實地觀察所見，僑興路兩旁除建有民房外，亦有不少工地及車場，狹長的單線雙程路不斷有貨車及重型車輛穿梭，但大部分皆未有因車路狹窄減速。

元朗僑興路路面狹窄，加上有車輛停泊在路旁，對行人及單車使用者安全構成威脅。	村民心聲 余先生「呢度夜晚好多人飛車，之前仲有人喺呢度畀車車死，運輸署咁都唔肯裝快相機，好離譜！」	胡先生「馬路邊好多人違泊，夜晚幾危險，搵警察投訴好多次，佢哋話其中一邊係私家路，所以唔係點理！」

一年16宗車禍多人死傷

由於附近居民多以單車出入，但行人路上卻有不少車輛違例停泊，致人、單車及貨車爭路情況不斷出現，險象環生。警方發言人證實，過去一年上址曾發生十六宗交通意外，其中八宗涉及財物損毀、七宗有人受傷及一宗死亡個案。

運輸署發言人則稱，上址屬單線雙程路段，經實地觀察後，考慮到有關路段只寬約三點五米，加上行人路狹窄，並無足夠空間設置固定偵速攝影機，故未有計劃安裝，但已知會警方在有需要時執法。

元朗區議會交通及運輸委員會委員梁福元直斥運輸署忽視鄉郊道路安全，「運輸署話呢度唔係標準路，所以唔裝快相機，但其實鄉郊先多人開快車，分明就係藉口！」梁又指上址近日正進行渠務工程，令路段「窄上加窄」，擔心更易引發交通意外，促警方與運輸署加緊留意情況，保障市民安全。

「發生過咁多意外，點可以話冇位擺就唔諗辦法，呢個理由根本就係荒謬！」立法會交通事務委員會委員王國興狠批運輸署以「冇位擺」為由，拒絕於交通黑點安裝偵速攝影機的說法極不負責任。他認為，當局在任何情況下亦應以市民安全為依歸，而非以交通黑點是否屬「標準路」釐定安裝偵速攝影機與否，「部機又唔係好大，要整點會冇位擺，運輸署分明係唔理村民生死！」

記者：嚴朗婷 攝影：林松澧