政務司司長唐英年之前將市民對警方保安安排嘅批評，形容係「完全垃圾」，結果被市民鬧爆，就連全國政協委員劉夢熊都話唐唐嘅講法未必恰當，強調言論同新聞自由係本港賴以成功嘅基石及核心價值，官員必須尊重。佢仲引用外國元首出席公開活動時畀人掟嘢嘅例子，話人哋面對混亂場面都可以大而化之、談笑用兵，顯示出政治家風度。唐唐喺政府咁多年，真係要好好學吓嘢喇。
