房署外判商鋪地台馬虎
韓先生居於大埔富善邨善雅樓，近日遭樓下住戶投訴廁所地台滲水，房屋署外判公司職員因此上門砸爛地台檢查，結果並無發現，最後重鋪地台了事。不過，韓其後發現重鋪後的地台較以往下陷近一厘米，磚塊更凹凸不平，牆上缺口亦只是隨意塗上英泥填補。韓對此大表不滿，「冇查清楚就砸爛個地台，又求求其其填番就算，仲有冇兒戲啲呀？」
負責該邨管理的新昌服務有限公司發言人指出，職員了解事件後，已主動聯絡戶主安排再次重鋪地台。
該區區議員任啟邦則直指事件涉管理不善，亦批評房屋署缺乏監管，「外判咗就好似唔關佢哋（房署）事咁，咁嘅態度真係好唔負責任！」任促房署加強監管外判管理公司工作，藉以提升居民生活質素。