最美麗港姐朱玲玲（圖中）向來愛錫三個囝囝，行街都預埋佢哋。上周六下午兩點幾鐘，卓妮途經灣仔軒尼詩道及分域街交界時就遇見素顏嘅朱玲玲，同行有大仔啟剛、細仔啟人（圖右）同一位長髮嘅女友人（圖左），四人歎完茶出來並肩而行。當行到去便利店門外，啟剛醒起有嘢買，一個箭步走入店內，邊睇嘢邊傾電話，莫非同女友郭晶晶煲緊電話粥？而朱玲玲就冒住火辣太陽，同啟人企喺店外耐心等候。
