十二位來自工、商同專業界嘅立法會議員，尋日宣布成立一個「工商專業聯盟」，聯盟召集人林健鋒戰戰兢兢讀出預先準備好嘅講稿，話成立呢個聯盟目的，在於近年民粹主義抬頭，佢哋呢班商界人士有責任促進政府平衡各方利益喎，又話金融不穩定、社會分化、政局又唔穩，所以佢哋責無旁貸咁話。嘩，講得好偉大呀，講到個聯盟好似要拯救世界咁，希望佢哋唔會變成第一大保皇黨啦！
