避談採訪自由
鬍鬚曾尋日嘅網誌內容，同樣只講經濟，其他一概不提，擺明就係想轉移公眾視線，等佢同煲呔曾兩個都唔使繼續畀人插。
鬍鬚曾一時又講到「十二五」規劃提出要發展服務業，呢個對香港係好重大嘅發展契機、一時又話考慮香港發展的時候，要從九百六十萬平方公里嘅視野去思考，全部都係阿媽係女人嘅嘢，都唔知講嚟做乜。
鬍鬚曾呢個曾經創造「史上最廢財政預算案」嘅人講垃圾本來就冇乜出奇，最過分係呢個夕陽政府領導層竟然提都唔提呢幾日講到鬧哄哄嘅「警方打壓新聞採訪自由」議題，重要嘢唔識講，永遠只係識得避重就輕，佢哋都係早啲返歸瞓覺罷啦！