「魔爪男」專抓露背女士，心理學家解構其犯案原因，一是滿足自己的性需要，二是曾被女性傷害，故透過抓傷女士洩憤。至於受襲女士，在外傷的同時，更有可能患上創傷後遺症，腦海中不斷浮現當時的畫面，導致長期失眠。
註冊臨床心理學家鄒凱詩指出，「魔爪男」的犯罪成因有兩個可能性，「其中一個可能係佢有非禮意識，但又唔敢去做，惟有用抓人嚟滿足自己嘅性需要。另一個可能係犯案者有暴力傾向，曾經被女性傷害過，呢啲不快經歷令佢透過抓傷女士嚟洩憤。」
另一位臨床心理學家葉妙妍表示，遇襲女士有可能患上創傷後遺症，「短期內可能會出現失眠、發噩夢、焦慮、心跳快等徵狀，亦有可能會避開行經遇襲地方，或者怕咗搭港鐵。」
她說，如果症狀持續三至四星期，就需要接受適當嘅心理輔導。