【本報訊】辯方昨盤問時播出兩段沈卓盈接受傳媒訪問的片段，指沈主動向傳媒爆料博宣傳，更質疑她連報警也要通知傳媒。面對辯方尖銳質詢，原在證人台上楚楚可憐的沈頓變得激動，一度緊握雙拳輕拍枱面強調：「我絕對無咁諗！我只係唔想再有更多人受害！」
沈卓盈在控方發問時的表現猶如她經常飾演的柔弱角色，語調嬌柔我見猶憐，憶述非禮過程更一度眼眶有淚，哽咽得不能言語，多次深呼吸後才繼續作供。惟至辯方指她在接受傳媒訪問時，言詞間均透露不確定有否被非禮，質疑她為博宣傳才在傳媒見證下報警；沈開始激動，堅稱「我唔係表達能力好叻嘅人，去到警署見到有咁多傳媒好愕然，但我無通知過任何一個記者。」
辯方又指她「明知一同記者講聽日全世界都知」，卻仍在事發後翌日急向傳媒爆料，同日更在微博撰文講述事件，令人聯想她欲「大肆宣揚」以提高知名度，沈立即提高聲線回應：「我個腦好亂好害怕，我畀人欺負畀人非禮，無經驗唔識處理，我只係唔開心想抒發感受，我唔知自己知名度高唔高，亦控制唔到傳媒報唔報道。」
沈又慨嘆一直對被告十分尊重，「佢點解無端端要咁對我，之前咁多次都畀佢醫好，無諗過佢會突然一而再，再而三非禮我，最重要最難堪係佢雙手掂住我左右兩邊胸，呢個亦係我要報警嘅原因。」昨有數名專程聽審的男士，在沈作供時定睛望着她，不時竊笑。