前環境運輸及工務局局長廖秀冬提倡室溫維持廿五點五度，鼓吹開少啲冷氣環保啲，有環保團體尋日公布佢哋收到唔少冷氣過凍嘅投訴時，就話自從邱騰華做咗環境局局長之後，港府各部門好似已將呢個度數拋諸腦後，大家好似遺忘咗。其實邱騰華好刻意想推行環保政策，但都眼高手低，甩甩漏漏。好心佢就心胸闊啲，前任做得好嘅就繼續推行，佢任內就算無大貢獻，都唔會搞到打倒褪喇。
