塌樓難屬「佢哋係謀殺」
馬頭圍道唐樓整幢倒塌導致四死慘劇的死因研訊昨日審結，死因裁判官今日將裁決。死者家屬昨在結案陳辭時帶着淚痛斥屋宇署馬虎塞責、麻木不仁，業主及二房東只着眼金錢利益，而工程判頭沒有專業資格又太過自信，才是慘劇的罪魁禍首，直指各死者是被人蓄意疏忽所殺，「係非法被殺、係誤殺」。
死者童慶濤的母親李珍華因為情緒激動，甫開口便淚如雨下，最後須由女兒代為讀出陳辭。她指今次塌樓表面上是一宗意外，但認為「整件事係大業主同二房東嘅貪婪，判頭嘅自大無知，再加上屋宇署嘅無能、麻木不仁所造成嘅」，她說：「幢樓倒冧完全係由於呢班人嘅蓄意疏忽，我個仔實際上係畀佢哋謀殺……我個仔無端端犧牲咗，死因係呢班人嘅貪婪、涼薄同埋愚昧無知。」
屋署測量師「差過無牌」
童母直指屋宇署職員毫無責任感、處事馬虎，其中針對事發前曾到現場巡查的測量師，她說：「話睇過幢樓無即時危險，事實證明佢哋係錯……佢哋睇樓嘅水平，仲差過無牌嗰個判頭。」她批評屋宇署職員：「一啲都唔專業……佢哋如果唔係嚴重失職，就係判斷有問題……佢哋做事敷衍塞責、得過且過、草率了事，係造成冧樓嘅幕後黑手！」
此外，她認為業主及二房東眼中只有錢，將單位非法變成「劏房」出租賺錢，之後又為慳錢而無聘請合資格人士，反將工程交予無牌判頭處理，「佢哋明知幢樓有危險唔理，最緊要係租啲單位出去收租，又係錢大晒，錢緊要過人命」。對於承辦商朱偉榮，童母直言：「明知自己無牌，乜都唔識仲要死充，收咗人錢就乜都唔理。」
另一死者蔡道強的遺孀李翠新，亦咽哽着向死因裁判官陳辭，「今次係誤殺、謀殺，並唔係意外」。她力陳塌樓慘劇完全可以避免，但因業主沒遵從屋宇署命令聘用合資格承建商，無牌承建商又沒依照專業人士建議先進行鞏固工程，種種違法行為終令慘劇發生，因此要求法庭裁定死者死於誤殺甚至非法被殺，更加希望法庭要求當局對違法者提出起訴。
漠視鋼筋生銹劏房問題
蔡妻坦言，屋宇署處事官僚馬虎，對大廈早出現的種種結構問題視而不見，令塌樓危機潛藏多年。首先，屋宇署測量師於○九年十一月十八日曾到大廈現場，眼見鋼筋生銹彎曲變形、外牆石屎大量剝落，但仍認為大廈沒即時危險，遲遲不發出封樓令；而且他亦承認當時已知大廈有違法「劏房」，但就從沒向業主發出還原命令；他又說大廈早於○六年已被列為屋宇署清拆僭建行動目標之一，但三年後到塌樓之時，僭建物仍然存在。
案件編號：CCDI 102-5/2011