陳嘉容「用過微針，效果唔錯，冇任何皮膚敏感。衞生好重要，一定唔可以同人共用微針，因為直接接觸皮膚深層，會流少少血，冇可能同人共用。去美容院有自己嘅私家針，同一支微針只可以用五至六次，之後就換新，每次做完要等三星期先可以再做。」
姚予晴「兩年前試過做微針，初時效果好顯著，尤其美白方面，做多幾次後發現效果不大。由醫生幫我做，有私家針，每次做完醫生都用酒精消毒微針。做之前要麻醉，做完要食抗生素同消炎藥，因為微針係屬於創傷性。聽過好多人網上買微針自己做，好大膽，咁做預咗塊面爛。」
楊汀叮「舊年試過一次微針，做完之後塊面紅卜卜，之後斷斷續續好易敏感，有時仲好痕、紅紅哋好耐唔褪。有次係連續兩個月都好唔番，搞到要睇兩個皮膚科醫生搽類固醇藥膏，我諗係因為微針搞成咁。」
