夢想假期結業一日後忽然復會，香港入境團旅行社協會主席侯叔祺尋日下晝陪同夢想假期負責人搶灘開記者會，仲拍心口接收夢想假期嘅客人。原來旅遊業議會總幹事董耀中打鑼咁搵該名負責人，話對方唔聽電話、唔覆Voice mail，點知對方原來「投靠」咗侯叔祺。旅行社結業竟然都牽涉旅遊界政治，希望一眾業界係為旅客謀福利，而唔係為咗攞政治本錢喇。
