政府決定暫時唔會就外傭居港權官司提請人大釋法，等法院作出裁決後再決定，以免被指破壞法治及司法獨立。不過，基本法委員會副主任梁愛詩尋日強調，人大釋法係合法合憲嘅行為，唔係「洪水猛獸」，亦唔會影響司法獨立。其實唔少港人對人大釋法仍有好大保留，但相對於外傭一旦享有居港權，對香港社會同中產家庭帶來嘅負擔同不便，即使釋法真係「洪水猛獸」，相信都有得傾嘅。
