中環出更：蔡加讚鍾情TAG限量腕錶
玩具大王蔡志明係超級名錶迷，收購錶行「喜運佳」後，分店愈開愈多，其公子蔡加讚（Karson）都耳濡目染，成為半個腕錶專家。Karson就鍾意一年前購入嘅瑞士TAG Heuer Monaco V4，呢隻錶全球限量一百五十隻，而佢手上嗰隻編號為「No.8」，夠晒Lucky。
拒售幸運號碼
Karson日前出席菁英會就職晚宴，蜜運中嘅佢容光煥發，左手戴上TAG Heuer，型格十足。Karson話，好欣賞隻錶做工精巧細緻，錶鏡係斜面切割藍寶石水晶，配襯高貴鱷魚皮帶，盡顯個性同品味。
Monaco V4矚目之處，在於前所未見的機蕊概念。佢突破百多年腕錶原理構造，以滾珠軸承及傳動帶傳送動力，好處係喺較低擺頻下，亦無損運作效率。Karson話，佢隻錶依家約值七十多萬元，但編碼「8」係幸運號碼，可遇不可求，所以點都唔會賣喎。
卓妮