先天患者無痛楚難察覺
【本報訊】Ｏ形腳患者絕大部分為先天患者，五十六歲患者彭女士一直無出現痛楚故未有察覺，直至去年六月意外跌倒後，出現膝痛、腰痛等徵狀，經足科矯形師檢查後才發現，並出現膝關節炎，脊醫亦指其腰骨也受影響。彭女士去年十一月接受韓國STYLEX訓練治療後，膝痛及腰痛情況大為改善。
每周一至兩次 訓練見效
「最嚴重嗰時行幾級樓梯，膝頭都扯住痛！去銀行企一陣都頂唔順，腰痛到企唔起身！」彭女士指膝蓋關節長期磨蝕，出現膝關節炎及腰痛。曾嘗試服用消炎止痛藥連續數星期，但因藥物「傷胃」，停藥時膝痛隨即重臨。
她接受STYLEX訓練治療，每星期一至兩次，病情現已大幅改善，「部機幫我運動臀部肌肉，又會轉動膝頭等佢無咁內旋。初初唔適應運動量，治療完第二日會覺得雙腳好累，但適應咗就無事，現時可以行好多級樓梯都唔痛，雙腳形狀亦都無咁Ｏ。」她計劃改以游泳等運動代替機器治療。