港股連日來好似食咗瀉藥咁下跌，個市跌咁多日，財爺鬍鬚曾就噏廢話噏足咁多日，尋日朝早又廢噏，話見到銀行操作正常、結算系統正常操作、金融上操作有秩序地進行，記者問佢有冇新對策，佢又話最重要係市場有秩序地進行同結算系統操作正常，莫非系統操作正常係好難得嘅？唯一比較有用嘅說話係呼籲投資者要小心同量力而為，但論理財投資，相信投資者叻過佢囉！
