違泊車輛泊滿行車路兩旁，警方被指「唔踢唔郁」懶執法！林先生居於太古城鄱陽閣，發現屋苑對出行車路兩旁每晚均泊滿車輛，令居民出入不便，「嗰度係三線行車，路面又窄，平時行車都難，仲要泊晒車喺度，警察可唔可以做啲嘢？」林指上址不時有違泊，但鮮見警方執法，擔心阻礙救援車輛出入。
警方發言人表示，柴灣警署已知悉太古城內有違例泊車情況，並已不時派員到上址公眾路段執行交通管制行動。發言人又稱，曾在該處共票控十部違例停泊車輛及向多名違例停泊司機發出口頭警告。
「一直有留意違泊情況都仲可以見到通街有違泊車輛，即係做唔到嘢啦！」東區區議員趙家賢狠批警方疏於執法，更曾目睹警方「有違泊都唔抄牌」，要求嚴肅處理區內違泊問題。