食物及衞生局副局長梁卓偉尋日喺立法會同醫療組織代表就醫保建議對質，梁卓偉一個打幾個，面對槍林彈雨，被批評「冇實戰經驗嘅學者或高官負責推行計劃……其實係空想，不切實際！」佢終於發火：「我唔知聽咗八十次諮詢會夠唔夠？」其實佢發火都無用喇，邊個叫呢個政府咁弱勢，施政舉步維艱，咁嘅環境之下，乜嘢新政策都無法實施，佢都係認命算喇。
