政情：沈祖堯帶隊訪最窮國家
中大校長沈祖堯上月同十五名學生遠征東非嘅烏干達，喺當地發揮為人民服務嘅精神。雖然出錢出力，但沈校長話佢哋今次嘅收穫遠大於付出。
眾所周知，烏干達係世上最窮嘅國家，人民飽受戰亂同疾病嘅煎熬，單係孤兒就有二百萬，而患有愛滋嘅國民亦有一百二十萬。中大師生今次深入窮鄉僻壤探訪村民仲同佢哋義診，照料嬰兒同蓋建學生宿舍。沈祖堯領略到學生們都係活在物資豐盛嘅幸福世界，返到屋企就好自然會珍惜身邊所有；而透過兩星期朝夕相對，師生嘅關係亦變得更融洽。呢啲都係課堂學唔到嘅珍貴體驗。
烏干達與香港相隔千里，文化差距當然唔少。例如飲食，當地人將啲香蕉搗爛蒸熟，就成為招呼賓客嘅上等菜餚，沈校長坦言唔係幾習慣。沈校長又發現孤兒院係好靜嘅，可能係當地資源缺乏，小朋友喊破喉嚨都無人理倒不如收聲啦。校長本身見多識廣，但對今次旅程，都感到大開眼界。