逆子冇得打機打阿媽
十四歲逆子無機打，揮玻璃樽襲母。旺角一名少年機癡疑終日沉迷上網打機，影響學業，慈母多次勸喻無果，絕招為愛兒「戒癮」，將兒子的電腦棄掉，兒子昨發現電腦失去，怒執玻璃樽追打母親，又將她推倒拳打腳踢，其母肉痛心更痛，大義滅親報警將逆子拘捕，母親送院治理。
被捕少年姓黎，與父母及胞妹同住塘尾道一單位。據悉，黎醉心網絡遊戲，荒廢學業，父母擔心不已，勸過又鬧過，惟黎置若罔聞，放暑假更加變本加厲，玩到天昏地暗，黎母（四十二歲）忍無可忍，趁兒子離家，把整部電腦當垃圾扔掉。
大義滅親 報警拉仔
昨晨一時許，黎赫然發現家中電腦不翼而飛，恍如晴天霹靂，喚醒父母查問，黎母直認不諱：「我掟咗……」黎聞言大怒，當場與母親「吵大鑊」，黎父及黎妹紛紛勸喻。
黎要求父母重新買回電腦被拒，突情緒激動，怒執玻璃樽揮舞，黎母走避不及被扑中，再被人推倒地上拳打腳踢，黎父及黎妹立刻把兩人隔開。黎母頭部及鼻頭被打傷，痛心兒子忤逆暴行，決定報警。警員到場調查，黎涉傷人被捕，由父親陪同帶署，他暫准保釋，下月初返警署報到；黎母則由幼女陪同送院。
社工陳勇稱，時下許多網上遊戲，靠累積分數闖關，失去電腦，打擊可以很大，隨時做出激烈反應。而糾正子女行為，非一朝一夕，父母最好一早達成共識，對子女行為加以約束，譬如兒子愛打機，雙方宜規定玩樂時間，切忌平日縱容子女，突然間卻作出嚴厲禁止。