頭挨鄰座少女 巴士詐瞓男「抽水」

網上公開賤男行為

短片在前日上載，至昨日已有四千四百多人點擊。在約兩分鐘片段中，一名男子狀似半睡半醒挨着椅背睡覺，但很多時張開眼、甚至「睩大眼」四處張望，期間數次將頭挨近鄰座窗口位的少女肩膊，遇有其他乘客落車，即很快坐正身子。最後一次終將頭挨睡在鄰座少女的肩膊上，此時鄰座少女立即起身離座，該男子才說：「唔好意思！」女子亦怒罵對方：「瞓覺瞓好啲啦！」短片隱約拍到鄰座少女的面部，年約廿多歲。

受害少女的男朋友將短片上載並留言補充指，當時賤男挨近女友而坐，更用腳觸及女友的腳，又用手肘觸撞女友的右手及臀部，賤男完全知道自己所作所為。他稱，女友當時因太過驚慌無報警，為免再有其他女子無辜受害，他呼籲網民將短片連結傳開，並呼籲網民如在街上碰見賤男要即時報警，將賤男的居處或工作起底上載上網。男友又指當差的朋友均指難將賤男入罪，故惟有將短片上載。

有看過短片的網民回應稱：「有無搞錯啊……咁『低莊』!!影衰晒的男人……頂!!」亦有網民指：「一睇就知佢無瞓啦 有無人瞓個覺八成時間都擘大眼呀？」，亦有網民指這類個案警方是否受理亦成問題，「倒不如好似事主咁拍條片 等網民公審下仲好」。網民亦讚女事主「好勇！」