【本報訊】馬頭圍道四十五號J唐樓大業主翟愛聯，昨在庭上不斷聲稱對肇事唐樓的結構問題十分上心，又指親眼見到鐵閘移位外牆傾斜後，當晚擔心到失眠。惟死者家屬聞言更為憤怒，趁休庭時衝向她質問：「你明知有問題點解唔叫我哋搬呀……你係咪傻㗎」。
雖然翟愛聯口口聲聲說極之擔心唐樓的問題，更不惜逾百次致電屋宇署要求協助，但死者家屬始終不明她為何不疏散住客。翟聞言就反唇相譏：「我有做呀，我覺得我係好業主嚟，我咪叫屋宇署去睇囉，係危險就通知人，我唔係專業㗎，我係家庭主婦，我點識危唔危險啫，我做唔到其他嘢呀」。
另外，翟又不斷強調她患癌，但蔡道強遺孀在休庭時直斥她：「你有cancer我冇呀？有邊個可憐我呀？」又不斷指翟明知幢樓有危險亦不通知住客：「佢傻㗎！真係好過分呀！一個月喇（指翟發現問題到事發），呢個唔係意外呀」。另一死者童慶濤的母親哭着向翟說：「你畀番個仔我呀」。
當翟愛聯在庭上再被死者家屬質問時，她終按捺不住大發雷霆：「我點知咁危險啫，我邊有權力叫你走呀，我叫你走你會唔會鬧我呀……我都唔想人哋咁樣死喺我（嘅地方）度呀」。
翟作供時表示，○九年除夕親自接收地下舖位，離開時發現捲閘移位，旁邊外牆傾斜，強行鎖門時石屎不斷剝落。她形容當時十分擔心，更因此整晚失眠，翌日一早便不斷致電屋宇署向接頭的尹志威求助。她指尹一直沒有正視她的要求，她遂每日「打十幾廿次電話」，最後向屋宇署署長投訴，署方才派尹到場視察。但她始終未能解釋既然覺得事態嚴重，為何不向其他部門求救。
但代表屋宇署的律師則指出，翟在事發後翌日到警署錄口供時，表示地舖完整沒有異樣，還打算將舖位放盤，質疑她在庭上誇大證供。但翟強調：「我講嘅係事實。」
另外，翟作供時聲稱事發前後多次與尹通電話，但都被敷衍打發，惟屋宇署律師指出，尹在○九年十一月底已經調職，翟聞言改口說：「係呀，我搵嗰個黃小姐囉」。根據屋宇署資料，尹志威現任屋宇署高級屋宇測量師（新界西3）
至於屋宇署在○九年曾向她發出僭建物清拆通知，亦於同年十一月向她發出修葺外牆的勸喻信，但她不是推說沒收過，就說信是寄到會計師樓，而她並沒接到對方通知。