復建居屋幾乎已成全民共識，惟房屋協會主席楊家聲尋日出席一個高中生房屋論壇時大唱反調，反指「八十後」買樓要求多多，話帶個「八十後」去睇樓，二百幾萬嘅單位第一句就嫌舊，又話要新樓，又話點解要住新界。不過，即場有高中生反駁，話其實「八十後」自己都唔係好想買樓，只係畀家長同社會所逼，仲話「未來外母會問做咩冇樓？」真係公說公有理。
