街市編位差魚檔近粥店
陳小姐經常光顧藍田啓田萬有街市，最近發現檔戶分布非常混亂，燒味店設在洗手間旁、魚檔對面竟為粥麵店，「呢啲都係賣嘢食嘅地方，廁所同魚檔都濕漉漉，點解會擺埋一齊？」此外，有商戶亦投訴街市冷氣系統經常失靈，令商戶及購物人士非常難受。
領匯發言人指出，已因地制宜，對街市內的店舖作出相應規劃，而場內的檔戶亦獲食環署批准及簽發牌照。至於冷氣問題，則已按時檢查及清潔冷氣系統，並因應天氣作適當調節。
不過，食環署卻稱，轄下街市的燒味店、魚檔及熟食檔等，一般不會設置在同一區域內。
「魚檔冇可能同小食店放埋同一區，好明顯管理公司真係管理得好差！」當區區議員簡銘東表示，街市與租戶於四個月前重新續租，自從有商戶遷出後，外判管理公司即重新編排舖位，估計出現問題或與配置有關。