撤銷25控罪欠交代

壹傳媒原被控告三十三項抄襲侵權控罪，最終只起訴八項，放生二十五項票控，城市大學專業進修學院學術統籌宋立功質疑，當局檢控毫無準則，對其決定大表「唔理解、唔公平、唔明白」，他說：「咁做好唔公道，八宗當然有事實根據，但未足以反映事件嘅嚴重性，無辦法理解同明白，點解唔檢控其餘廿五宗，係咪有選擇性？可能嗰廿五宗仲嚴重呢？當局都無清楚交代！」他認為若不弄清因由，更會令人質疑當局檢控是否有偏袒之嫌。

「摑醒」政府反省修例

對於案件由舉報到判案歷時兩年半，立法會議員陳偉業直指，處理時間明顯太長，他說：「兩年半先判到案，時間肯定係太長，涉及版權嘅問題，用咁耐時間處理，被抄襲嘅嘢，咩價值都用完晒啦，仲要耗費昂貴嘅法律費用，其實抄襲與否，一睇就知，應該研究一個獨立、簡易程序去處理，先對各方有好處。」他又謂，個多月前曾向政府提出，表示現時網上抄襲情況極為普遍和嚴重，當局應正視這類侵權事件，和相關法律程序太長的問題，提出合適處理，但政府「好似完全唔知有咩問題發生咁」，今次案件正好「摑醒」政府，檢討現時情況，甚至修改相關法例。

另一立法會議員王國興則斥責，壹傳媒的管理層或編輯主管在事件中絕對有不容推卸的責任，他說：「炒記者好唔公道，作為傳媒機構，公信好緊要，公信力都無，好難再取信於市民。」他認為壹傳媒應就事件徹底反省，確保不應再有同類事件發生。

陳偉業指案件需時近兩年半才結案，時間過長。 （資料圖片）	黃國桐直斥壹傳媒「炒記者」的解釋和處理手法極為牽強，難以服眾。 （資料圖片）	就當局對壹傳媒三十三項抄襲的侵權控罪，只起訴八項，宋立功質疑檢控準則，對其決定深感「唔理解、唔明白」。 （資料圖片）

炒兩記者激起公憤

法律界人士律師黃國桐亦直斥，壹傳媒「炒記者」的解釋和處理手法極為牽強，他說：「記者做嘅嘢，傳媒機構有責任去管理同過濾，管理層應該好清楚記者嘅工作，甚至佢哋個人品性，乜都話唔知，依家就話係抄襲，如果『作嘢』咁點？咁樣嘅解釋好難令人接受。」執業大律師龔靜儀同樣直指壹傳媒的求情理由有推卸責任之嫌。她表示，一般新聞機構，高級職員理應在發稿前審閱稿件，並應向員工提供指引，避免出現侵權情況。