震脫樓上玻璃窗
【本報訊】挪威發生炸彈恐襲的新聞片段仍歷歷在目之際，澳門突然發生猛烈大爆炸，不少居民及途人飽受驚嚇。被碎片擊中之的士，司機講述事件時仍猶有餘悸：「停低落客，聽到砰一聲咪同個客一齊走囉……見到嗰啲玻璃呀，好似落雪咁，我託賴架巴士擋住，唔係我就（食）晒，咁大衝力，個巴士司機都話好彩佢架大車擋住我架車咋！」
碎片割傷女戶主
另外，爆炸現場樓上有住客指：「未試咁震撼，砰一聲，係成幢樓都震晒，咁樣嘅感覺！」事件中，該大廈有超過廿個單位受影響，電力及食水斷供，單位連同附近商舖，停水停電，有單位玻璃窗被震脫跌落平台，需消防員入屋協助鞏固窗框，四樓一單位露台四道玻璃門全部被震碎，碎片彈入客廳，女戶主被割傷。她的兒子指，樓下有多間食肆，又鄰近賭場，不少食肆通宵營業，「我覺得佢哋入面擺設好窄，爐頭同石油氣罐擺得好近。」擔心再發生同類事件。
現場附近一間食肆的負責人則表示，因擔心火警，不會存放太多石油氣，會按規定做。澳門立法議員關翠杏指消防對食肆石油氣存量的巡查不足，更質疑對氣體器具的使用並無規管，只靠使用者自律，她呼籲當局加強巡查。