巴士站滴水食署欠執法
冷氣機滴水密灑巴士站，候車乘客無路可走！洪小姐經常於尖沙咀漆咸道候車，發現巴士站上空無分四季密密滴水，早前更曾因滴水入眼致眼睛發炎，「開頭以為落雨好自然望上去，但點知一滴水就搞到隻眼紅晒！」洪指兩年內多次向食物環境衞生署投訴，惟情況一直未改善，「食環一啲嘢都做唔到，唔通要同九巴投訴搬巴士站？」
食環署發言人證實，過去十二個月共接獲十四宗與上址有關的冷氣機滴水投訴，並曾向涉事住戶發出十一封勸喻信及一張「妨擾事故通知」，要求業主於期限內減除滋擾，經署方人員覆查亦發現有關情況已有改善。
不過，洪小姐獲悉食環署回應後，坦言滴水情況一直並無改善，「滴到好似淋花咁！」
當區區議員關秀玲表示，一般街道滴水尚可容忍，「但滴落巴士站、過路處呢啲公眾地方，根本冇得避！」關批評當局執法過於寬鬆，促當局有需要時向違規人士採取法律行動，以取阻嚇之效。