政制及內地事務局局長林瑞麟（林D9）已被公認為「人肉錄音機」，就算議員同記者點樣質問佢，都係答番相同嘅答案。不過，林D9推替補機制推到畀人「翻閹」，尋日喺立法會介紹諮詢方案時更被議員喪鬧，佢終於忍唔住谷爆，雄赳赳話自己唔係心口得個「勇」字咁簡單；之後佢喺記者會上又鬧啲議員喺議會搞事同團體阻塞交通，政治思維同策動「公投」同出一轍。原來「人肉錄音機」都會噴火嘅！
