醉客玩殘司機 踢凹綠的
【本報訊】屯門又發生醉漢滋擾的士司機事件。姓莊（五十二歲）的士司機，昨凌晨二時許，駕駛新界的士，在屯門井財街接載兩名滿身酒氣的男子，他們要求出市區往黃大仙中心，莊向兩漢解釋稱：「呢部新界的士，出唔到九龍喎，車你哋去轉紅的好唔好？」
出市區扮豪氣「二千蚊去唔去」
其一醉漢聞言豪氣稱：「百五蚊去唔去，二千蚊去唔去？」與此同時，另一名醉漢改口要往附近的富泰邨，莊遂開車前往，惟抵達上址後，其中一名卅餘歲醉漢隨即落車，其同行男子則掃興稱：「架車去唔到黃大仙中心咋！冇得去玩喇！」當時已落車的醉漢聞言後，竟扯火指莊累他們不能夜蒲，隨即起腳踢凹的士左邊尾門，莊見狀隨即落車喝止，惟醉漢已逃逸，莊報案求助。
警員到場調查，莊要求留在車內的姓龐（卅七歲）醉漢繳付廿多元車資，惟龐卻語無倫次向警員稱：「我畀咗百五元車資啦。」警員經調查後，龐涉嫌搭「霸王車」被拘捕，並召救護車將他送院治療，同時追緝涉嫌刑事毀壞的醉漢歸案。
莊無奈說：「見兩人醉醺醺截車已心知不妙，點知真係出事，車資又收唔到，又做唔到生意，仲要同車主交代車門被人踢凹，認真倒楣！」