探射燈：中港司機自己煲水免中招
湖南揭發有不法商人使用致癌PET桶載飲用水，令人擔心飲用水的品質問題。經常來往內地的人士及中港司機紛紛想辦法，包括自己煲水及購買大牌子桶裝水，以防範誤飲黑心水。
經常穿梭中港兩地的工聯會深圳諮詢服務中心助理主任潘志輝表示，桶裝水在內地非常普及，不少內地家庭及食肆都會使用桶裝水，鑑於內地食品安全未有保證，故他甚少飲用桶裝水：「今次發現水桶致癌，都好擔心，所以我內地嘅屋企唔會用呢啲水，多數自己煲，如果公司要買桶裝水，都會揀大牌子，大牌子有保證啲！」
「揀啤口啤得靚嗰啲」
另外，潘志輝提醒若在街外購買樽裝水，都要打醒十二分精神：「唔係話唔信內地水，不過可以做好啲就做好啲！揀有膠邊封口嗰啲，仲要揀啤口啤得靚嗰啲！內地好多細舖頭賣嘅水，都係冇啤口，所以要小心揀！」
而中港司機梁根權坦言「唔擔心得幾多」：「水個個都要飲，唔通唔飲水咩！不過我哋啲中港司機多數都喺香港帶水上大陸，不過都唔帶得幾多，如果真係要買都會揀可信嘅大牌子！」