投訴：大牌檔佔路 食署欠執法
大牌檔持續阻街，食物環境衞生署被指執法不力！不時途經火炭山尾街的陳先生指出，上址有大牌檔每晚均在行人路甚至候車島上擺放枱櫈，不但令行人「冇路行」，更「有車等不得」，「晚晚六點就開始霸位做生意，搞到我哋冇路行仲冇位等車，食環署點解可以完全唔理？」
食環署發言人表示，當局一向關注火炭熟食市場有大牌檔於行人路擺放枱椅阻礙行人的情況，並不時派員巡察及採取嚴厲執法行動。發言人又稱，今年一月至六月期間，曾就上址大牌檔於行人路擺放枱椅造成阻塞問題，向負責人提出七十五宗檢控。
「檢控咗成七十五次咁多，好明顯阻街問題仲存在，咁即係檢控失效啦！」沙田區區議員龐愛蘭狠批食環署未有積極處理上址大牌檔阻街問題，效率令市民失望。