探射燈：「鑽地龍」違法須負刑責

國際專業保險諮詢協會會長羅少雄稱，「鑽地龍」的人士並無事前得到政府批准而進入，屬於違法行為。「一般行山嘅投保條件都冇咩限制，但擅闖政府用地，就當然唔會受保。」羅指出，行山人士要留意保險條款，尤其是不受保障的事項，「就好似你有高血壓，都堅持去行山，出咗事，就未必受保。」

上載遊地龍照片不智

法律界人士梁永鏗亦指出，市民走入地下引水道實屬不智，將照片上載就更加會留有「把柄」。他稱，警方可將相片作表面證據，找出涉事人士後，在盤問時再找出更多證據從而入罪。梁補充，雖然不同地段有不同管理方法，不過在禁止市民出入的用地，均設有指示牌，市民行山遠足需多加留意。

鄧同學（學生）：朋友叫我行山嘅話，都未必會行地龍，因為太危險，入面又冇照明設施，感覺唔係太安全。

黃小姐（秘書）：真係唔知行地龍係違法，入面黑麻麻，唔知發生咩事。政府應加強巡查，唔好畀人入去探險。