曾鈺成話，早前王光亞訪港，「長毛」搵佢傾偈，要求佢代為轉告王光亞，話希望王光亞可以去立法會演講，曾鈺成都認為係一個好嘅建議，但反問「長毛」，如果「長毛」掟嘢點算，但「長毛」就一口答應，話自己唔會搞事。
曾鈺成將「長毛」嘅建議向有關方面反映，話希望王光亞同議員有正式會面。佢話起初王光亞都願意，但基於一個不能解釋嘅理由，終於不能成事，都唔知係唔係中央嘅意思。
記者問佢會唔會為議員繼續爭取同內地官員會面，佢話返內地唔一定要去北京，同時佢亦會為無證議員爭取回鄉證，不過，事件至今毫無寸進，佢講笑話，所以至今都唔可以拉起橫額，聲稱自己「成功爭取」。議員離任期完仲有一年，睇嚟大家嘅願望，都係凍過水喇。