商界中人一直狠批《競爭條例草案》貨不對辦，要求港府就此提出修訂，例如豁免中小企於條例之外，但有心水清嘅商界中人睇死夕陽政府係「換湯唔換藥」，而且根本依家已經偏離咗立法原意。
廠商會立法會議員林大輝就此提咗個好生動嘅比喻，話明明佢哋要嘅係肉醬意粉，但依家政府就以意大利式炒法，炒咗碟中國米線出嚟，所以食唔落之餘，仲要求當局撤回草案，唔會接受任何修訂喎！
