水貨客慨嘆被趕絕
【本報訊】上水港鐵站外一帶雖然仍是滿街水貨客，然而有苦自己知，有水貨客坦言內地收緊對水貨客的管制，運一轉奶粉，扣除「水腳」可能只能淨賺「十幾廿蚊」，「仲衰過做咕哩」，得知有港人因而被刑事拘留，慨嘆有如想將他們「趕絕」：「咁樣好難做落去！」
運貨「車仔」亦計算重量
有在上水出沒的水貨客昨向記者表示，水貨客分兩批，一批運送如奶粉、尿片及藥油等雜貨，另一批會走電子零件，據他所知，運雜貨重量只要不超過五公斤便可，不過深圳海關有時連運貨的「車仔」都計算重量，要不超標，一次只可帶四罐奶粉，扣去交通費只得約廿元利潤，「好難搵食」，部分人惟有鋌而走險「帶多啲」。
另有水貨客表示，內地對電子產品「限量限額」，超過某數量及價值便需要申報，加上內地海關發現有人超額帶貨，以往只會扣貨八日、支付倉租便可以取回貨品，但近期卻要扣貨一、兩個月，電子產品價值較高昂，「分分鐘要賠」，根本不敢走電子水貨；有六十歲水貨客嘆指，自己只是不想靠政府、自食其力，但一日可能只賺得一、二百元，現更要冒坐監風險，儼如要將他們「趕絕」。