廿年情如姊妹助殮葬
【本報訊】「我試過有次頭痛發燒，我聽到佢把聲，叫我飲水食藥，我成日發夢見到佢，感覺佢好似仲喺度！」獲法官判處可獲龍婆婆百萬元存款的江美仙，昨道出與龍婆婆一段由近鄰發展至親如姐妹的感情。江透露，她眼見的龍婆婆年老無依，本着鄰里守望精神，每天前往照顧，兩人感情如姊妹，更獲對方承諾「你鍾意乜嘢畀乜你」。一直無律師代表的江美仙，昨從記者口中始得知自己可獲遺產逾百萬元，不過她認為裁決「唔公平」，表明會上訴。
江美仙八七年與丈夫遷進軒尼詩道加冕廔，認識了住在對面的幼稚園教師龍雅麗，由於當時江年紀尚輕，龍婆婆呼她「靚妹」，她則叫龍婆婆為「姐姐」，二人感情像親姊妹，龍婆婆亦見證着江的三名子女出世，常登門教三人唸書，彼此相知相識近廿載。
誓上訴爭單位供奉「姐姐」
隨着年紀漸長，龍婆婆○二年身體開始欠佳，江美仙每日過門照顧，「幫佢執拾間屋，煮啲佢鍾意食嘅嘢畀佢食，芝麻餅呀、馬蹄糕呀，又會買蝦餃燒賣畀佢食！」期間，龍婆婆曾多次說，「你鍾意乜嘢畀乜你」，「買兩層樓畀你都得」，又將門匙及銀行存摺交給她，「話乜都畀晒我！」
被問到龍婆婆為何未有立下遺囑，江稱，「姐姐一直想搵律師或者校長等獨立人士立平安紙」，可惜尚未實，龍婆便卻突然暈倒家中，入院不久便離世。「我當時都好唔捨得，好傷心，仲用咗幾萬蚊幫佢殮葬，亦唔知佢存摺原來有成百萬蚊，我仲以為本存摺剪咗角無用，攞咗畀姐姐陪葬。」
江又謂，由始至終未曾想過將龍婆婆現值三百萬元的單位變賣，而是希望保留來供奉這位視她如妹的「姐姐」，故法官僅將銀行存款判給她，認為「唔公平」，誓言一定上訴；至於該百萬元存款，則會留給三名子女作升學之用。