【本報訊】民怨因夕陽港府無能而與日俱增，日前曾蔭權在答問大會上反卸責指，因為選舉年來臨，政黨面對各級選舉挑戰，行政與立法之間出現更大張力是「無可避免」。立法會財務委員會主席劉慧卿作年結時反駁，真正原因是「愚蠢」的港府推行政策前諮詢極為不足、與民為敵，怒斥「如果當局睇唔到呢個事實，要砌詞為自己掩飾，咁我覺得佢真係好無用﹗」另外，本年度的財委會否決了申辦亞運撥款申請，是七年以來第一次。
本年度的財委會共舉行了卅五次會議，以及八次審議預算案的特別會議，當中審議了六十五項財務建議，而唯一遭否決的申亞撥款，是繼○四年初，財委會否決撥款給大學教資會資助院校的經常補助金後第一次。
劉慧卿稱，本年度處理的諸如關愛基金、派六千元、交通津貼及申亞撥款等都富有爭議性。
究其原因，她相信因為公民社會漸見成熟和活躍，但當局推行政策前又諮詢不足所致，她埋怨說：「佢（港府）做唔到嘅嘢，我哋要猛咁要同佢做諮詢，另一個我哋同佢承受就係申訴部，佢啲嘢搞喎晒就走嚟申訴，所以政府真係好多甩漏囉。」
劉慧卿續指，「其實好多嘢要去事務委員會傾，如果喺嗰度傾得好清楚，嚟到財委會就唔會咁煩，但好多時佢去事務委員會又去得好遲、又唔夠資料，所以嚟到財委會要再拗過。」對於曾蔭權推說因選舉臨近，劉不忿地炮轟正如今年預算案般，明明事前有做諮詢，但當局拒絕吸納民意，反而與民為敵；她強調，立法會不會阻撓沒有爭議的事情，因為議員都很忙，不會無風起浪，她促請當局吸取教訓，否則「佢（政府）一定無運行㗎，我哋亦都無運行啦老實講，咪又日日開幾十個會囉。」