籃球架鬆脫 房署無維修
屋邨籃球架日久失修，房屋署竟「死撐冇問題」，隨時迭生意外！黃先生為籃球愛好者，經常使用馬鞍山頌安邨籃球場，數年前已發現籃球架螺絲鬆脫，惟一直未見房署維修，「起初同屋邨辦事處投訴，佢（職員）唔理我，再同房署講，但都一樣係咁拖，離晒譜！」黃指過去曾發生籃球架塌下傷人外，不滿房署未有定時巡查邨內設施，無法讓邨民安心使用。
沙田區區議員葛珮帆狠批房屋署處事大歎慢板，對邨內設施管理及保養事宜管而不理，「之前足球場嘅燈壞咗，都要搞成半年先整番好，依家維修籃球架又係愛理不理，都唔知房署做緊乜！」
屋邨辦事處發言人指接獲本報轉介後，職員隨即檢查邨內籃球架，發現並無明顯損毀。