前全國人大常委曾憲梓尋日出席活動時罕有爆粗，聲言特首要心胸廣闊，要預期被人鬧到「仆街」，又話煲呔曾無論畀市民點鬧，甚至鬧到佢「仆街」，都唔會劈炮唔撈，頂埋餘下任期。曾憲梓呢番說話確係耐人尋味，莫非佢想暗寸爆煲呔曾呢個夕陽政府民望低沉，成日畀人鬧？同埋係咪想話煲呔曾畀人鬧到「仆街」都好，都要盡心盡力捱埋餘下任期呢？
