【本報訊】膠袋稅推出至今屢惹批評，不少市民認為當局政策失敗，批評近年港府弱勢「做咩都唔掂」，應盡快撤回徵費計劃，更不應擴大徵費，更有市民認為當局經常「收回」措施反令政府威信進一步受損，有小商戶亦反對當局擴大膠袋徵費，「如果自己袋又未必會收費，費用上繳的行政費又太高」，認為擴大計劃只會擾民而無助改善環境。
任職物業管理的呂先生認為近年港府政策「好失敗，做咩都唔掂」，建議當局撤回收費，認為增加教育才屬治本之道。他亦不贊同擴大徵費後膠袋費及不用上繳，更應擱置計劃，「咁樣將膠袋稅完全扭曲，費用唔應該成為商戶嘅利潤。」
於旺角有兩間分店的大中體育用品有限公司分店店長張先生亦反對擴大徵膠袋稅，「我哋嘅貨物有時好大件，好難唔畀膠袋，如果唔使上繳亦即係無王管，畀唔畀都冇人知，措施好擾民。」同區的匯瑞超市負責人余先生亦認為，擴大徵費不應一刀切，「如果附近舖頭唔收，咁我哋怕得失客人又唔敢收，響細舖頭推膠袋稅即係為難我哋，收埋嘅費用都唔夠彌補生意嘅損失。」他認為港府「成日做不理民意嘅事，應全面啲諮詢業界先去做。」