煲呔曾前日不點名批評行政會議召集人梁振英借鬧政府「抽水」，行會成員張炳良尋日就幫手解畫，強調行會成員雖然要遵守集體負責制，但佢哋同時係社會一分子，都要面向公眾，有責任反映民意，暗批煲呔曾自己唔聽民意先至惹來行會成員反目。不過，講到行會成員鬧政府「抽水」，張炳良都係先驅者，經常批評政府嘅房屋政策，又力撐復建居屋，所以今次佢既係幫人解畫，亦係為自己辯護。
