民主黨總幹事陳家偉爆出疑似嫖妓斷正醜聞，黨高層事後立即同佢劃清界線，形容事件只係個人問題，又形容陳家偉只係該黨一名職員，唔係黨領導層或現職議員，刻意無進一步談論事件。
不過當年深受同區兄弟何偉途嫖妓醜聞影響嘅民主黨黨團召集人肥仔明李華明，就直言如果事件發生喺佢身上，佢就會剖腹謝罪。都唔知係想證明自己玉潔冰清，定係要對陳家偉呢位前黨友落井下石。
